Боловсролын ерөнхий газраас 2024 оны 3 дугаар сарын 24-ний өдрөөс 3 дугаар сарын 28-ны өдрүүдэд хэрэгжсэн “Бие даалтын 7 хоног”-ийн аймаг, сум, багийн сургуулиуд дахь хэрэгжилт, үр дүн, давуу болон сул тал, цаашид анхаарах асуудлуудыг тодруулах зорилгоор төрийн болон төрийн бус өмчийн ерөнхий боловсролын сургуулиудын захирал, сургалтын менежер, нийгмийн ажилтан, багш нийт 1160 хүнээс түүвэр судалгаа авч, үр дүнг нэгтгэлээ.
Энэ удаагийн бие даалтын 7 хоног “Аюулгүй амьдрах ухаан” сургалтын хөтөлбөрт дэмжлэг үзүүлэх зорилгоор Онцгой байдлын ерөнхий газартай хамтарч зохион байгуулагдсан бөгөөд бие даалтын 7 хоногийн талаар:
Судалгаанд оролцогчдын:
“Бие даалтын 7 хоног” нь суралцагчдын гамшиг, эрсдэлээс урьдчилан сэргийлэх, өөрийгөө болон бусдыг хамгаалах чадварт тодорхой дэмжлэг үзүүлж, үр дүнтэй хэрэгжсэн,
86.6% нь зохион байгуулсан үйл ажиллагаа нь “Аюулгүй амьдрах ухаан” сургалтын хөтөлбөртэй уялдаатай төлөвлөгдсөн,
79.3% нь Онцгой байдлын байгууллагуудтай хамтран төлөвлөгөөгөө боловсруулж, хэрэгжүүлсэн нь уялдаатай, онцлог байсан,
82.3% нь багш нарын хандлага оролцоо сайн байсан,
53% нь эцэг эх, асран хамгаалагч, харгалзан дэмжигчдийн оролцоо, дэмжлэг “сайн” болон , “маш сайн” хэмээн үзсэн, боловч 47% нь дунд зэрэг, хангалтгүй байсан,
75.8% нь суралцагчдын хандлага, оролцоо сайн байсан гэж үзсэн.
ДҮГНЭЛТ:
Нийт оролцогчдын 49% нь гамшиг, эрсдэлийн талаарх төрөл бүрийн сургалт мэдээлэл, 28,8% нь дадлага сургуулилт, 13.4% нь тэмцээн уралдаан зэрэг үйл ажиллагааг хамгийн үр дүнтэй, сонирхолтой гэж үнэлсэн байна.
83.3% нь суралцагчдын аюулгүй амьдрах ухааны талаарх ойлголт нэмэгдсэн гэж дүгнэсэн.
55.7% нь Бие даалтын 7 хоногийн гол онцлог нь суралцагчид гамшгийн үед өөрийгөө болон бусдыг хамгаалах мэдлэг эзэмшсэн, багаар ажиллах, асуудал шийдвэрлэх чадвар эзэмшихэд тодорхой дэмжлэг үзүүлсэн гэж тус тус хариулсан байна.
Бие даалтын 7 хоногийн онцлог ДАВУУ ТАЛ:
Бие даалтын 7 хоногийн гол онцлог нь суралцагчид гамшгийн үед өөрийгөө болон бусдыг хамгаалах мэдлэг эзэмшсэн, багаар ажиллах, асуудал шийдвэрлэх чадвар эзэмшихэд дэмжлэг үзүүлсэн гэж үзсэн.
Гамшиг ослоос өөрийгөө болон бусдыг хамгаалах чадварт дэмжлэг болсон;
Орон нутгийн мэргэжлийн байгууллагуудтай хамтын ажиллагаа өргөжсөн.
Эцэг эх, асран хамгаалагч, харгалзан дэмжигчийн хандлага, оролцоо өмнөх бие даалтын 7 хоногтой харьцуулахад нэмэгдсэн.
Бие даалтын 7 хоногийн СУЛ ТАЛ:
Зарим сум, багийн сургуулийн сурагчдын ирц хангалтгүй байсан (мал төллөлттэй холбоотойгоор);
Багш, эцэг эх, асран хамгаалагч, харгалзан дэмжигчийн оролцоо харилцан адилгүй байсан;
Мэргэжлийн байгууллага(Онцгой байдлын газар, хэлтэс, аврах анги)-ын дэмжлэг, хамтын ажиллагаа бүх сургуульд жигд биш байсан.
ЦААШИД АНХААРАХ ЗҮЙЛС:
“Бие даалтын 7 хоног”-ийг хичээлийн үйл ажиллагаатай уялдуулан, улирлын амралтын дундуур зохион байгуулах;
Сургуулиуд сурагчдын тулгамдсан асуудлыг судалж, судалгаанд суурилсан бүтээлч, шийдэлд чиглэсэн ажил хэрэгжүүлэх;
Төлөвлөлтийг багш, сурагч, эцэг эх, асран хамгаалагч, харгалзан дэмжигчийн саналд тулгуурлан боловсруулах;
Сургуулиуд бие даалтын долоо хоногт хэрэгжүүлэх үйл ажиллагааны төлөвлөлтөө эцэг эх, асран хамгаалагч, харгалзан дэмжигчдэд урьдчилан танилцуулах, мэдээллийг хүртээмжтэй түгээх, оролцоог нэмэгдүүлэх.
Эх сурвалж: Боловсролын ерөнхий газар
0
0
0
0
0
0
Нийт сэтгэгдэл (0)