Өнөөдөр олон улсын хүүхдийн бэлгийн мөлжлөг, хүчирхийллээс урьдчилан сэргийлэх өдөр тохиож байна.
Хүүхдийн эрхийг хамгаалах, бэлгийн хүчирхийлэл, мөлжлөгийг таслан зогсоох, урьдчилан сэргийлэхэд дэлхий нийтийн анхаарлыг хандуулах зорилгоор 1999 онд Хүүхдийн эрхийн тухай НҮБ-ын конвенцын хэрэгжилтийг хянах хороо тус өдрийг албан ёсоор тунхагласан.
Энэхүү өдрийг санаачилсан шалтгаан нь:
1. Хүүхдийн эрхийг хамгаалах: Хүүхдүүдийг аливаа хүчирхийлэл, мөлжлөгөөс хамгаалах, тэдний эрхийг баталгаажуулахад анхаарах;
2. Олон нийтийн мэдлэгийг нэмэгдүүлэх: Хүүхдийн эсрэг бэлгийн хүчирхийлэл, мөлжлөгийн хор уршиг, гэмт хэргийн талаар дэлхий даяар мэдээлэл түгээж, анхаарал татах;
3. Хамтын ажиллагааг дэмжих: Улс орнууд, олон улсын байгууллагууд, иргэний нийгэм хамтран асуудлыг шийдвэрлэхэд хүчин чармайлт гаргах.
Энэ өдрийг 2007 оноос НҮБ-ын Хүүхдийг ивээх сангийн санаачилгаар тэмдэглэж ирсэн.
НҮБ-ын Ерөнхий нарийн бичгийн даргын санаачилгаар 2007 онд Хүүхдийн эсрэг хүчирхийллийн нөхцөл байдлыг тодорхойлох Дэлхийн нийтийн судалгаа явуулсны дүнд хүүхдийн хүчирхийлэл нь улс орнуудад тулгамдсан асуудал болохыг тодорхойлсон байдаг. Энэ асуудлыг шийдвэрлэхийн тулд улс орнууд хүүхдийг хүчирхийлэл, дарамт мөлжлөгөөс хамгаалах тогтолцоогоо улам бэхжүүлэх шаардлагатай гэж НҮБ онцолсон байдаг юм.
Монгол Улсын хувьд 2007 оноос тус өдөрт нэгдэж, иргэдийн хүүхдийн хүчирхийллийн талаар ойлголт мэдлэгийг нэмэгдүүлэх, хүүхдийн хүчирхийллээс урьдчилан сэргийлэх, хамгаалах тогтолцоог бэхжүүлэхэд анхаарлаа хандуулан ажиллаж иржээ.
0
0
0
0
0
0
Нийт сэтгэгдэл (0)