Эрчим хүчний сайд Б.Чойжилсүрэн салбарын үйлдвэр, компаниудын удирдлагуудын ээлжит өргөтгөсөн шуурхай хурлыг өчигдөр зарлан хуралдууллаа. Хуралд төрийн болон орон нутгийн өмчит 34 байгууллага оролцож, 2022-2023 оны өвөлжилтийн бэлтгэл хангах ажил, тулгамдаж буй асуудлуудын талаар хэлэлцэв.
Үйлдвэр, компани тус бүр 2022 оны их засвар, техник зохион байгуулалтын арга хэмжээ /ТЗБАХ/, хөрөнгө оруулалтын ажлын явц, 2022-2023 оны өвлийн их ачааллыг давах бэлтгэл ажлын гүйцэтгэл, цахилгаан эрчим хүчний өр, авлага, санхүүгийн байдал болон бусад цаг үеийн асуудлаар мэдээлэл өглөө.
2022 онд хилийн боомтын тээврийн нэвтрүүлэлтэд хязгаарлалт тогтоосноос сэлбэг материал татан удааширсан ч нөөц тоноглолыг ашиглаж, үндсэн болон туслах тоноглолуудын засварын гүйцэтгэж байна.
Эрчим хүчний сайд Б.Чойжилсүрэн хурлын зарим шаардлагатай асуудлыг шуурхай шийдвэрлэж, холбогдох байгууллагуудад уламжилж, шийдвэрлүүлэхээр боллоо. Мөн үйлдвэр, компаниудын удирдлагуудад дараах үүрэг даалгаврыг өгсөн. Үүнд:
Салбарын хэмжээнд өвөлжилтийн бэлтгэл хангах ажил 2022 оны есдүгээр сарын 13-ны өдрийн байдлаар 76.2%-ийн гүйцэтгэлтэй байна гэж Эрчим хүчний яамнаас мэдээлэв.
0
0
0
0
0
0
Нийт сэтгэгдэл (0)